Friday, April 4, 2025
Homeमनोरन्जनदया र मिरुनाले सुरु गरे ‘घर ज्वाइँ’को प्रचार

दया र मिरुनाले सुरु गरे ‘घर ज्वाइँ’को प्रचार

आगामी असारको २८ गतेबाट सार्वजनिक प्रदर्शनमा आउन लागेको फिल्म ‘घर ज्वाइँ’को प्रचार सुरु गरिएको छ । यो फिल्मको मुख्य कलाकार दयाहाङ राइ र मिरुना मगरले काठमाडौंको टुँडिखेलबाट आईतवार प्रचार सुरु गरेका हुन् ।

मगरहरूको महान् पर्व भुमेको अवसर पारेर फिल्मको प्रचार थालिएको निर्माता जनक घर्ती मगरले बताएका छन् । त्यस्तै, निर्देशक अनिल बुढामगर, कलाकार शिशिर वाङ्देल, भोलाराज सापकोटा लगायत पुगेका थिए ।

कार्यक्रममा बोल्दै नायक दयाहाङ राईले नेपाल बहुल जाती र भाषिक देश भएकाले एक अर्काको संस्कार र संस्कृति वुझ्न जरुरी भएको बताए । उनले, आफू भोजपुरमा जन्मिएको राईको छोरो भएपनि पूर्वी रुकुमको एक मगर युवाको जीवन फिल्ममा बाँच्न पाएको र आफूले यो भूमिकालाई न्याय दिन दिलो ज्यान लगाएकाले सबैलाई मनपर्ने विश्वास व्यक्त गरेका थिए ।

यस्तै, नायिका मिरुना मगरले आफू सानैमा विदेश गएकाले पनि मगर संस्कार र संस्कृतिलाई नजिकबाट वुझ्न नपाएको भन्दै यो फिल्मबाट धेरै कुरा वुझ्न पाएको बताइन् ।

जीएम मुभिज र एबीएम सिनेमा प्रोडक्सनको ब्यानरमा निर्माण भएको फिल्मलाई सुसन प्रजापतिको खिचेका हुन् । पूर्वी रुकुम आसपासमा छायांकन गरिएको फिल्मको कथा पनि निर्देशक अनिल आफैले लेखेका हुन् । उनलाई पटकथा तथा संवादमा विनोद खतिवडा र सुभाष कोइरालाले सघाएका छन् ।

यो फिल्ममा हर्क साउद र मनोज थापाको शब्द तथा संगीत छ । कृष्ण भण्डारीले सम्पादन गरेको यो फिल्मलाई नेपालमा आरआर फिल्मस्ले वितरण गर्नेछ ।

सम्बन्धित लेखहरू

LEAVE A REPLY

Please enter your comment!
Please enter your name here

- Advertisment -spot_img

सर्वाधिक लोकप्रिय

हालका टिप्पणीहरू