Friday, April 4, 2025
Homeमनोरन्जनआर्शिवाद र छिरिङको ‘टासीडेले’को टिजरको छायांकन सुरु

आर्शिवाद र छिरिङको ‘टासीडेले’को टिजरको छायांकन सुरु

सुवर्ण थापाको निर्देशनमा तयार हुन लागेको फिल्म ‘टासीडेले’को टिजर र ट्रेलरको छायांकन सुरु भएको छ। यो फिल्मको अहिले काठमाडौंका विभिन्न स्थानमा धमाधम टिजर खिच्ने काम भइरहेको हो ।

यो फिल्मको अफिसियली छायांकन भने आगामी भदौ महिनाबाट सुरु गर्ने निर्माणपक्षको तयारी छ । अहिले यो फिल्मको टिजर मात्र खिच्ने काम भएको निर्देशक थापा बताउछन् । उनका अनुसार यो फिल्मको टिजर र ट्रेलरलाई पहिला खिचिनेछ।

फिल्मको टिजर र ट्रेलरको छायांकन सकिए लगत्तै फिल्मको पस्टलुक पोस्टर सार्वजनिक गर्नेछ । यो फिल्मको मुख्य भूमिकामा नायक आर्शीवाद क्षेत्री देखिदैछन् ।

त्यस्तै, उनको अलावा छिरिङ शेर्पा र लाक्पा शेर्पाको पनि यो फिल्ममा मुख्य भूमिका रहनेछ । नायक आशीर्वादले फिल्म ‘नाई नभन्नु ल ६’बाट डेब्यू गरेका हुन् ।

हिमालको कथा भन्ने यो फिल्म हिमाल चढ्ने शेर्पाली युवतीको कथामा निर्माण हुनेछ भने यो फिल्म छिरिङकै वरिपरी रहेर निर्माण गर्निने जनाइएको छ ।

संगिताकार शम्भुजित बास्कोटाको निर्माणमा तयार हुने यो फिल्ममा चर्चित ढुङ्गेलको पटकथा, संजय लामाले छायांकन रहनेछ । त्यस्तै, फिल्ममा शम्भुजितकै कथा रहनेछ ।

सम्बन्धित लेखहरू
- Advertisment -spot_img

सर्वाधिक लोकप्रिय

हालका टिप्पणीहरू