१ सय ११ किलोग्राम गाँजासहित एक जना पक्राउ

मकवानपुर । हेटौँडा उपमहानगरपालिका-३ तिनताप्केबाट अवैध लागुऔषध गाँजा करिब १ सय ११ किलोग्राम सहित भारत मोतिहारी चैनपुर ढाका थाना बस्ने ३० वर्षीय महोमद समिरलाई सोमबार दिउँसो प्रहरीले पक्राउ गरेको छ ।

प्रहरी चौकी बसामाडीबाट खटिएको प्रहरीले मनहरिबाट वीरगन्जतर्फ जाँदै गरेको बा.१० च ५३३ नम्बरको योद्धा गाडीलाई जाँच गर्ने क्रममा गाडीको डालामा बालुवा र मलले छोपी राखेको २० वटा पोकामा रहेको उक्त परिमाणको गाँजा फेला पारी चालक महोमदलाई पक्राउ गरेको हो ।