झापाबाट खैरो हेरोइनसहित युवक पक्राउ

काठमाडौँ । प्रहरीले झापाको मेचिनगर नगरपालिका–६ स्थित पुरानो मेचीपुलबाट लागु औषधसहित एक जनालाई पक्राउ गरेको छ । पक्राउ पर्नेमा मकवानपुरको थाहा नगरपालिका घर भएका ३१ वर्षीय आशाकाजी तामाङ छन् ।

लागु औषध नियन्त्रण ब्यूरो काँकरभिट्टाबाट खटिएको टोलीले भारतबाट आउँदै गरेका आरोपीको साथबाट ६४० मिलिग्राम खैरो हेरोइन बरामद गरेको छ । उनी रिक्सा चढेर भारतबाट नेपाल आउँदै थिए । आरोपीबारे अनुसन्धान भइरहेको जिल्ला प्रहरी कार्यालय झापाका डीएसपी कृष्ण कुमार चन्दले बताए ।