धनगढी। धनगढीमा ६ ग्राम बढी लागुऔषध खैरो हेरोईनसहित एक युवक पक्राउ परेका छन् ।
धनगढी उपमहानगरपालिका-३ त्रिनगर ब्यारेल नजिकैबाट ६ ग्राम ३१ मिलिग्राम लागुऔषध खैरो हेरोईनसहित युवकलाई पक्राउ गरिएको प्रहरीले जनाएको छ ।
पक्राउ पर्नेमा डोटीको दिपायल सिलगढी नगरपालिका-६ घर भएर धनगढी-१ को त्रिवेणी चोकमा कोठा गरी बस्ने १८ वर्षीय अनुरोध श्रेष्ठ रहेका रहेका छन् ।
श्रेष्ठलाई वडा प्रहरी कार्यालय धनगढीका प्रमुख प्रहरी निरीक्षक योगेश खत्री नेतृत्वको टोलीले शंकाको आधारमा चेकजाँच गर्दा लागु औषधसहित पक्राउ गरेको जिल्ला प्रहरी कार्यालयले जनाएको छ ।
उनले बोकेका सामानहरु सुक्ष्म रुपमा चेकजाँच गर्दा साबुन भित्र लुकाईछिपाई राखेको अवस्थामा लागुऔषध फेला परेको थियो ।
