Thursday, April 3, 2025
Homeमनोरन्जन‘बेहुली फ्रम मेघौली’लाई हलबाट उतार्ने निश्चलको घोषणा

‘बेहुली फ्रम मेघौली’लाई हलबाट उतार्ने निश्चलको घोषणा

घटस्थापनादेखी सार्वजनिक प्रदर्शनमा आउने तयारीमा रहेको फिल्म ‘बेहुली फ्रम मेघौली’ ओटीटी प्लाटफर्ममा रिलिज हुने भएको छ । निर्माता निश्चल बस्नेतले हलको प्रदर्शनलाई स्थगित गर्दै एमएसएम भिडियो प्लाटफर्ममा फिल्म आउने जनाएका हुन् ।

फेसबुक पोस्टमा बस्नेतले विहिबारदेखि फिल्मको हल रिलिजलाई स्थगित गर्ने जनाएका छन् । हलले शो वितरणमा विभेद गरेको भन्दै असन्तुष्ट सुनिएका बस्नेतले केही दिनअघि हलको विकल्प खोज्ने आशय व्यक्त गरेका थिए ।

उक्त एपमा चाँडै फिल्म रिलिज हुने जनाउँदै बस्नेतले अमेरिका, जापान, क्यानडा र सिंगापुरमा भने उपलब्ध हुने उल्लेख गरेका छन् ।

बस्नेत पोस्टमा लेख्छन्, ‘हलमा हेरिदिनुहुने सबै दर्शकलाई धेरै धेरै धन्यवाद । सम्मानजनक शो उपलब्ध गराउनुभएकोमा क्यूएफएक्सलाई पनि धेरै धेरै धन्यवाद । भोलिबाट हाम्रो फिल्म नेपालको सबै हलबाट हामी नलगाउने निर्णय गरेका छौं ।’

सम्बन्धित लेखहरू
- Advertisment -spot_img

सर्वाधिक लोकप्रिय

हालका टिप्पणीहरू