भोलि बिहीवार बाट छायांकन सुरु हुने फिल्म ‘एक्लो’को शुभमुहूर्त सम्पन्न गरिएको छ। आज बुधवार बिहान कथाम्न्दुको भद्रकाली मन्दिरामा पूजाआजा गर्दै यो फिल्मको शुभमुहूर्त सम्पन्न गरिएको हो ।
नायक प्रदीप खड्काको मुख्य भूमिका रहेको यो चलचित्रको शुभमुहूर्त सँगै क्यारेक्टर पोस्टर पनि सार्वजनिक गरिएको छ । सार्वजनिक पोस्टरमा नायक प्रदीप खड्का ‘कल्की’ अवतारमा प्रस्तुत भएका छन्।
पोस्टरमा प्रदीप कल्कीको अवतारमा प्रस्तुत छन् । उनको आँखा मात्र देखिएको छ भने दाहिने हातमा तरवार लिएको देख्न सकिन्छ । झट्ट हेर्दा उनलाई साउत हिरो प्रभास जस्तो पनि देख्न्छ ।
त्यस्तै, यो फिल्मको लागि पहिलो मुहूर्त सट अभिनेत्री बेनिशा हमाल र कविता नेपालीले दिएका छन् । नायक खड्काले भने भोलिबाट सुटिङ जोइन गर्ने निर्माणपक्षले जनाएको छ ।
फिल्मको मुहूर्तमा विजय लामा, सुनिल थापा, सुरज सिंह ठकुरी, बेनिशा हमाल, कविता नेपालीको अलवा बेलायती अभिनेता जेमी बेकन पनि सहभागी थिए ।
साइन्स–फिक्सन कथामा निर्माण हुने यो फिल्ममा बेकनले बेलायती अन्तरिक्षयात्रीको भूमिका निर्वाह गर्नेछन् । यो फिल्ममा प्रदीप खड्का, विजय लामा, सुनिल थापा, दिनेश डीसी, सुरज सिंह ठकुरी, बेनिशा हमाल, कविता नेपाली, दिया पुन र बेलायती अभिनेता जेमी बेकन लगायतको अभिनय रहनेछ।
निर्देशक प्रदीप शाहीको निर्देशन रहने यो फिल्मको छायांकन काठमाडौंबाट सुरु गर्दै सुटिङ युनिट उपल्लो मुस्ताङ पुग्नेछ। यो फिल्मको छायांकन अवधी ४५ दिनको रहनेछ ।
