पूर्वराजा ज्ञानेन्द्र शाहको जन्मदिनमा गायक निशान भट्टराईले साङ्गीतिक प्रस्तुति दिएका छन् । नगरकोटको होटल सोल्टी वेस्टेन रिसोर्टमा उनले शाहको जन्मदिनको सेलिब्रेसन कार्यक्रममा साङ्गीतिक प्रस्तुति दिएका हुन् ।
आइतबार साँझको डिनर समय अगाडि म्युजिक लाइभ कार्यक्रम आयोजना भएको थियो । शो कार्यक्रममा प्रस्तुति दिन भट्टराईलाई त्यहा पुगेका हुन् ।
सो कार्यक्रममा पूर्वराजा शाह, पूर्वरानी कोमलको अलवा राजपरिवारका अन्य सदस्य तथा आफन्तको मात्र उपस्थिति रहेको थियो । लाइभ साङ्गीतिक वाद्यवादन सहित गायक भट्टराईले त्यहाँ साङ्गीतिक प्रस्तुति दिएका थिए ।
कार्यक्रममा गायक भट्टराईले करिब २ घन्टा हिन्दी, नेपाली नयाँ तथा पुराना गीत गरेर करिब २० गीत मार्फत सबैलाई झुमाएका थिए ।
