मोडल कविता न्यौपाने, जोन बम र चक्र बम अभिनित नयाँ गीत ‘कलेजी कटाउन्या माया’ सार्वजनिक भएको छ। नेपमेलोको प्रस्तुतिमा तयार भएको गीत शनिबार सार्वजनिक गरिएको हो।
गायकद्वय महेश कुमार औजी र बादल थापाको स्वर रहेको यो गीतमा शब्द र संगीत महेश स्वयंले भरेका छन। यो गीतको भिडियोमा कविता न्यौपाने, जोन बम र चक्र बम फिचर्फ छन् ।
कमल सौरागको एरेन्ज रहेको गीतको भिडियो सम्पादन र कलरिङ मिलन विश्वकर्माले गरेका छन् । भिडियोको निर्देशन भने पछिल्लो समयका व्यस्त निर्देशक शान थापाले गरेका छन् । भिडियाेको कन्सेप्ट पनि शानकै हो। निर्देशनमा शानलाई राजीव समरले असिस्ट गरेका छन।
मारुनी स्टुडियाेमा रेकर्ड गरिएको गीतमा कुमार रानाको मिक्सिङ तथा मास्टरिङ,सरिता मगरको मेकअप, अनुस्का डिसिको पहिरन, टाैवा कृयसनको पोस्ट डिजाईन र बुद्ध थापाको सिनेमाटाेग्राफी छ।
