काठमाडौं— चितवन प्रहरीले ३ सय ८० किलो अवैध लागूऔषध गाँजासहित दुई जनालाई पक्राउ गरेको छ ।
भरतपुर महानगरपालिका–१ आँपटारीबाट करिब ३ सय ८० किलो लागूऔषध गाँजासहित २ जनालाई मंगलबार बिहान पक्राउ गरेको चितवन प्रहरीले जनाएका छन् । पक्राउ पर्नेहरूमा भारत सम्बल बस्ने ४५ वर्षीय अनिल गिरी र सोही ठाउँ बस्ने ३० वर्षीय राजपाल छन् ।
जिल्ला प्रहरी कार्यालय चितवनबाट खटिएको प्रहरीले भारतीय नम्बर प्लेटको ट्रकलाई सुरक्षा जाँच गर्दा ट्रकको अगाडि क्याबिनमा फल्स बटम बनाई २८ वटा पोकामा राखेको उक्त परिमाणको गाँजा फेला पारेको हो ।
पक्राउ परेका उनीहरु चालक र सहचालक हुन् । यस सम्बन्धमा प्रहरीले अनुसन्धान गरिरहेको छ ।
