काभ्रेको नमोबुद्धमा १० महिनादेखि बेपत्ता व्यक्तिको कंकाल फेला परेको छ।
नमोबुद्ध नगरपालिकाकै वडा नम्बरर ४ श्रीराम निवासी ५० वर्षीय खडगबहादुर श्रेष्ठ २०८० भदौदेखि सम्पर्कविहीन भएको थियो । काभ्रे प्रहरीका अनुसार यही असार २६ गते काभ्रेको नमोबुद्ध नगरपालिका–५, बोहरेली जंगलको ढुंगाको ओडारमा फेला परेको मानव कंकाल खडगबहादुर श्रेष्ठ कै भएको पुष्टि भएको हो।
बुधबार अपराह्न ४ बजे च्याउ खोज्न जाने क्रममा पहिचान नखुलेको बोहरेली जंगलमा मानव कंकाल फेला परेको खबर गरेपछि प्रहरीको टोली घटनास्थल पुगेको थियो। सो कंकाल प्रहरीले धुलिखेल अस्पतालमा ल्याई राखेकामा उक्त कंकाल १० महिनाअघि हराएका आफ्ना दाजु खडगबहादुरको भए पनि सनाखत गरेको प्रहरीले जनाएको छ।
घटनाबारे अनुसन्धान भइरहेको प्रहरीले जनाएको छ।
