१७ मंसिर, हुम्ला । हुम्लाको सर्केगाड गाउँपालिका उपाध्यक्षका लागि भएको उपनिर्वाचनको मतगणना अहिले जारी छ ।
पछिल्लो मतगणना अनुसार नेकपा एमालेले अग्रता लिएको छ । निर्वाचन आयोगका अनुसार नेकपा एमालेकी जाना शाहीले २८६ मत प्राप्त गर्दा नेकपा माओवादी केन्द्रकी देवकी तिमल्सिनाले २२५ मत प्राप्त गरेकी छन् ।
नेपाली कांग्रेसकी सविता बुढाले २०९ मत प्राप्त गरी तेस्रो स्थानमा छन् । राष्ट्रिय प्रजातन्त्र पार्टी (राप्रपा) की संगीता शाहीले १९ मत प्राप्त गरेकी छन् ।
सर्केगाडका उपाध्यक्ष चन्द्रसिंह कार्कीको सुर्खेतबाट नेपालगञ्ज जानेक्रममा दुर्घटनामा परी निधन भएपछि यहाँ उपनिर्वाचन भएको हो । उनी माओवादी केन्द्रबाट निर्वाचित भएका थिए ।
