त्रिभुवन अन्तर्राष्ट्रिय विमानस्थलबाट भन्सार छलेर लाने क्रममा सुनसहित तीन जना पक्राउ परेका छन् ।
करिब ५० ग्राम तौलको सुन २ थान सुनको सिक्रीसहित बिहीबार दिउँसो पक्राउ गरिएको प्रहरीले जनाएको छ । पक्राउ पर्नेहरूमा सिरहाको सिरहा नगरपालिका-१६ का ३३ वर्षीय अशोक पासवान, धनुषाको सबैला नगरपालिका-१३ का ३० वर्षीय मोहम्मद जयस शेख र काठमाडौंको तारकेश्वर नगरपालिका-२ की २४ वर्षीया आशिका केसी छन् ।
कतार एयरलाइन्सको उडानद्वारा कतारबाट काठमाडौं आएका अशोक र मोहम्मद जयसलाई आशिकाले उक्त धातु भन्सार छली गर्न लगाएर विमानस्थलको अन्तर्राष्ट्रिय उडानतर्फको आगमन पार्किङ एरियाबाट लैजान लाग्दा उनीहरू पक्राउ परेका हुन् ।
