फिल्म ‘नमेटिने घाउ’मा सांसद ज्ञानेन्द्र शाहीले डबिङ गरेका छन् । अहिलेका प्रधानमन्त्री केपी शर्मा ओलीको पनि विशेष भूमिका रहेको यो फिल्मका लागि सांसद शाहीले डबिङ गरेका हुन् । ओलीले पनि केही दिनमै डबिङ गर्नेछन् ।
एसिड प्रभावितहरुको कथामा निर्माण गरिएको यो फिल्मको ओलीले पनि आफ्नो भागको डबिङ गर्ने निर्माणपक्षले बताएको हो । एसिड आक्रामडमा परेका ३३ जनाको कथालाई यो फिल्ममा प्रस्तुत गरिएको छ ।
शिवम् अधिकारीको कथा, ओम सुनारको संगीत रहेको फिल्ममा मुस्कान खातुन, प्राप्ती पौडेल, कमल देवकोटा, सन्दिपबाबु लोहनी, रचना गौतम, प्रभात पाल ठकुरी, आरती आचार्य, स्वस्तिमा कार्की, ललना चिमोरिया लगायतका कलाकारहरुको अभिनय छ ।
रमित ढुंगाना फिल्म प्रोडक्शनको व्यानरमा निर्माण गरिएको यो फिल्ममा बाल नरसिंह राणा, कुमुद ढुंगेल, जे आर शर्मासहित २ सय बढी प्रहरीको अभिनय छ ।