विदेश पठाउँछु भनेर ठगेको आरोपमा प्रहरीले दुई जनालाई पक्राउ गरेको छ । पक्राउ पर्नेमा काठमाडौँ महानगरपालिका–१० घर भएका नीराजन मानन्धर र पाल्पाको पूर्वखोला घर भएका ३० वर्षीय चन्द्र प्रकाश झेडी छन् ।
४४ वर्षका मानन्धरले इजरायल पठाउँछु भनेर २ लाख र झेडीले बोस्निया पठाउँछु भनेर २ लाख रुपैयाँ ठगी गरेको उपत्यका अपराध अनुसन्धान कार्यालयका एसपी काजी कुमार आचार्यले बताए । उनीहरूलाई कारवाहीका लागी प्रहरीले वैदेशिक रोजगार विभागमा पठाएको छ ।
