आगामी भदौको १४ गतेबाट देशव्यापी रिलिजमा आउने तयारीमा रहेको फिल्म ‘वर एण्ड वधू’को पहिलो गीत रिलिज गरिएको छ । आइतबार काठमाडौंमा पत्रकार समेलन गर्दै यो फिल्मको ‘तिमी सँग’ बोलको गीत सार्वजनिक गरिएको हो ।
सार्वजनिक गीतमा यो फिल्मको मुख्य कलाकार आँचल शर्मा र विवेक कर्माचार्य फिचर्ड छन् । यो गीतको भिडियोमा कलाकारद्वय आँचल र विवेकलाई निकै रोमान्टिक देख्न सकिन्छ । यो दुइको केमेस्ट्री पनि खुबै राम्रो देखिएको छ ।
सार्वजनिक यो गीतमा अञ्जु पन्त र प्रताप दासको स्वर, अर्जुन पोखरेलको संगीत र लेखु सहयात्रीको शब्द छ । कविराज गहतराजको कोरियोग्राफीमा सुदिप बरालले रोमानियाको लोकेशनमा यो गीत तयार पारेका हुन् ।
निर्देशक मिलन चाम्सको निर्देशनमा तयार भएको यो फिल्ममा जानुका थापाको लगानी छ । अमित रिजाल फिल्मका कार्यकारी निर्माता हुन् । फिल्ममा सुदिप बरालको डीओपी, मिलन श्रेष्ठको सम्पादन, हिमाल केसीको एक्सन, कविराज गहतराज र सुस्मिता वाइवाको कोरियोग्राफी, प्रदीप भारद्वाजको लेखन छ ।
सामाजिक कथावस्तुमा निर्माण गरिएको यो फिल्ममा विजय लामा, गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टी खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अन्सु महर्जन, सिता न्यौपाने लगायतका कलाकारहरुको पनि अभिनय छ । फिल्मलाई रिच इन्टरटेन्मेन्ट र एफडी कम्पनीले वितरण गर्नेछन् ।
