सर्लाहीतर्फ जाँदै गरेको यात्रु बसले रौतहटमा साईकललाई ठक्करबाट साईकलमा सवार दुई जनाको मृत्यु भएको छ।
बसको ठक्करबाट चन्द्रपुर–१ पौराईका ५६ वर्षीय जगतबहादुर राई र उनकी श्रीमती ५५ वर्षीया धनमाया राईको मृत्यु भएको हो।
इलाका प्रहरी कार्यालय चन्द्रनिगाहपुरका अनुसार मे १ ख २५३६ नम्बरको बसले बाग्मती–चन्द्रपुर खण्डमा साईकललाई ठक्कर दिएको थियो। टाउकोमा गम्भीर चोट लागेका राई दाम्पतीलाई उपचारका लागि चन्द्रनिगाहपुर अस्पताल पु¥याइएको थियो। अस्पतालले दुबैलाई मृत घोषित गरेको प्रहरीले जनाएको छ।
घटनापछि स्थानीयले मंगलपुरस्थित पूर्वपश्चिम राजमार्गमा सवारी आवत् जावत् ठप्प पारे।
प्रहरीले बस चालक बारा कोल्बीका धनबहादुर श्रेष्ठलाई नियन्त्रणमा लिई अनुसन्धान थालेको छ।
मृतक परिवारले घटनास्थलबाट प्रहरीले शव उठाएको भन्दै प्रतिवाद गरेर सडक जाम गरेका छन्।
