काठमाडौं । कमल थापा नेतृत्वको राष्ट्रिय प्रजातन्त्र पार्टी (राप्रपा) नेपालले क्षेत्रीय भेला तथा प्रशिक्षणको आयोजना गरेको छ ।
उसले देशका सातै प्रदेशमा भेला तथा प्रशिक्षणको आयोजना गरेको हो ।
संघीय राजधानी काठमाडौंमा बसेको पार्टी केन्द्रीय सचिवालय बैठकले उक्त निर्णय गरेको हो ।
अध्यक्ष कमल थापाले बैठकमा अहिलेको व्यवस्था असफलता उन्मुख भएको दाबी गरे । उनले भने, ‘देशले निकास पाउन नसक्ने भएकोले अर्को नयाँ जनआन्दोलनको आवश्यकता छ । आन्दोलनका लागि बृहत राष्ट्रवादी प्रजातान्त्रिक मोर्चाको निर्माण आवश्यक छ ।’
मोर्चा निर्माणका लागि पार्टीले तदारुकता देखाएको बताए । आन्दोलनको तयारीका लागि सबैको सकारात्मक भुमिका र पहल आवश्यक रहेको थापाले बताए ।
राप्रपाको भेला तथा प्रशिक्षण पुष १२ गते बागमती प्रदेशको काठमाडौंमा, १६ गते मधेसको जनकपुरमा, १८ गते लुम्बिनीको बुटवलमा, २० गते कर्णालीको सुर्खेतमा र २२ गते सुदुरपश्चिम प्रदेशको कञ्चनपुरमा भेला तथा प्रशिक्षण कार्यक्रमको आयोजना गरिएको पार्टी महामन्त्री राजाराम बर्तौलाले जानकारी दिए ।
उनले उपत्यकाभित्र भक्तपुरमा आगामी पुष १४ गते जिल्ला कार्यसमितिले सभाको आयोजना गर्ने समेत बताए ।
कोशी र गण्डकी प्रदेशमा हुने भेला तथा प्रशिक्षणका लागि स्थान र मिति तोकिएको छैन ।
