रसुवाको नौकुण्ड गाउँपालिकाका अध्यक्ष नुर्वु स्याङ्बो घले जुवाखालबाट पक्राउ

काठमाडौँ । रसुवाको नौकुण्ड गाउँपालिकाका अध्यक्ष नुर्वु स्याङबो घले जुवाखाल बाट पक्राउ परेका छन् ।

कपन स्थित जुवा खालबाट घले सहित १० जनालाई पक्राउ गरिएको जिल्ला प्रहरी परिसर काठमाडौँका एक जना अधिकृतले बताए । उनीहरू शनिवार पक्राउ परेका हुन् ।

जुवा खालबाट प्रहरीले १ लाख ३६ हजार बरामद गरेको छ । आरोपीहरुलाई प्रहरी वृत्त बौद्धले जुवा मुद्दामा म्याद लिएर अनुसन्धान गरिरहेको छ ।

नुर्वु यसअघि मानव बेचबिखन आरोपमा पनि पक्राउ परेका थिए । २०८० चैतमा मानव बेचबिखन ब्युरोले उनलाई पक्रेर अनुसन्धान गरेको थियो ।