आगामी भदौ महिनाबाट छायांकनमा जाने फिल्म ‘जन्ते बाख्रो’को फस्टलुक पोस्टर सार्वजनिक भएको छ । सार्वजनिक यो फिल्मको पोस्टरमा एउटा बाख्रोलाई चस्मा लगाइदिएर छाता ओडाइएको छ।
मुइन इन्टरटेन्मेन्टको ब्यानरमा निर्माण हुन लागेको यो फिल्मको कथा, पटकथा र संवाद प्रदीप भारद्वाजको हो । यो फिल्मलाई सन्तोष गौतमले निर्माण गर्दैछन् ।
सिमोस सुनुवारले निर्देशन गर्ने यो फिल्मले बिहेपछि दिइने भोजलाई जन्ते बाख्रो खुवाउने कथावस्तुमा निर्माण गर्न लागेको हो । यो फिल्मको मुख्य भूमिकामा नायक सौगात मल्ल अनुबन्धित भइसकेका छन् ।
