भन्सार छलेर भित्र्याएको ३ सय ८७ थान मोबाइल बरामद

रौतहट : भन्सार छलेर नेपाल ल्याउँदै गरेको मोबाइल सेट प्रहरीले रौतहटबाट बरामद गरेको छ । प्रहरीले बसबाट विभिन्न कम्पनीका ३ सय ८७ थान मोबाइल सेट बरामद गरेको हो । पुस १५ गते ईलाका प्रहरी कार्यालय चन्द्रनिगाहपुरबाट खटिएको प्रहरी टोलीले गौरतर्फबाट चन्द्रनिगाहपुरतर्फ आएको यात्रुबाहक बसको डिक्कीमा रहेको ३ ओटा बोरामा रहेको कार्टुनबाट विभिन्न कम्पनीहरुको मोबाइल सेटहरु बरामद गरेको छ । बरामद मोबाइलको मुल्य ८ लाख १८ हजार ९०६ रुपैयाँ बराबरको रहेको प्रहरीले जनाएको छ । बरामद गरिएबा मोबाइल कारवाहीको लागि राजश्व अनुसन्धान कार्यालय पथलैया पठाएको जिल्ला प्रहरी कार्यालय रौतहटले जनाएको छ ।