मकवानपुरको बकैया गाउँपालिका-४ गोठखोलामा कारको ठक्करबाट एक जना बालकको मृत्यु भएको छ । सोमबार दिउँसो धरान-चतरा सडकखण्डमा हात्तिसुँडेबाट गरगरेतर्फ आउँदै गरेको प्रदेश ३-०१-०२४ च १७९६ नम्बरको कारले विपरीत दिशातर्फ जाँदै गरेको साइकललाई ठक्कर दिँदा साइकलमा सवार निशान गम्भीर घाइते भएका थिए ।
कारको ठक्करबाट उनको टाउको र खुट्टामा गम्भीर चोट लागेको बालकको उपचारको क्रममा हेटौंडा अस्पतालमा मृत्यु भएको प्रहरीले जनाएको छ ।
चितवनको भरतपुर महानगरपालिका-१० का ३५ वर्षीय कार चालक शारदा सुवेदी प्रहरी नियन्त्रणमा रहेको छ ।
घटनाको थप अनुसन्धान भइरहेको जिल्ला प्रहरी कार्यालय मकवानपुरका प्रहरी प्रवक्ता डिएसपी लक्ष्मी भण्डारीले जानकारी दिनुभयो छ ।
