फिल्म ‘कल्ली’मा नायक नाजिर हुसेन र नायिका वर्षा राउतको इन्ट्री भएको छ । नाजिर र वर्षासँग निर्माणपक्षले लिखित संझौता गरिसकेको छ । योसँगै फिल्ममा नायक सौगात मल्ल, अर्पण थापा, वुद्दि तामाङ, कमलमणी नेपाल र नायिका बेनिशा हमाल फाइनल भइसकेका छन् ।
यस्तै, फिल्ममा माओत्से गुरुङ, रविन्द्र झा, विनोद न्यौपाने, रेअर राई पनि फाइनल भइसकेका छन् भने केही साता अगाडि मात्र कलाकार उत्तम प्रधानलाई पनि फिल्ममा भित्राइएको थियो ।
पौषको २० गतेबाट सुरु हुने यो फिल्ममा नाजिर र वर्षाको प्रवेश भएपछि कलाकारहरुको लामो लाइनअप देखिएको हो । यी दुबै नायक–नायिकाको भूमिका के हो भन्ने बिषयमा निर्माणपक्षले केही पनि खुलाएको छैन ।
रेड बर्ड प्रोडक्सन र कस्तुरी प्रोडक्सनको संयुक्त व्यानरमा निर्माण हुन लागेको फिल्ममा निसाल पौडेलको छायांकन, एसडी योगीको संगीत, रामजी लामिछानेको कोरियोग्राफी रहने पक्का भइसकेको छ ।
किरण नेपालीको लगानीमा बन्न लागेको यो फिल्ममा लक्ष्मण सुनारको लेखन एवं निर्देशन रहनेछ । फिल्मको पटकथा तथा संवाद महेश दवाडीले लेखेका हुन् ।
