नायक पल शाह र नायिका दीपिका प्रसाईं अभिनीत फिल्म ‘मायावी’को प्रदर्शन मिति फेरि हेरफेर भएको छ । गत १५ कात्तिकबाट पोस्टपोन्ड भएर आगामी पुस २६ मा पुगेको फिल्म यो मितिबाट पनि सरेको छ ।
सोमबार निर्माण युनिटले फिल्मको एक पोस्टरमार्फत् फिल्म आगामी फागुन १४ गते (महाशिवरात्रि) मा प्रदर्शन गर्न लागेको जानकारी दिएका छन् ।
निर्देशक भट्टराई स्वयंको लेखन रहेको फिल्मको निर्मातामा राज कटुवाल, चन्द्र पन्त र ध्रुव न्यौपाने हुन् । फिल्ममा पल र दीपिकाको अलवा प्रशान्त ताम्राकार, सुशील सिटौला, लक्ष्मी गिरी, राजाराम पौडेल, करिश्मा श्रेष्ठ, अंशु महर्जन, रवि डंगोल लगायतको अभिनय छ ।
निर्देशक दीवाकर भट्टराईको निर्देशन रहेको ‘मायावी’ को सार्वजनिक पोस्टरमा पल र दीपिका प्रस्तुत छन् । जसमा उनीहरु रोमान्टिक भावमा चित्रित छन् । पोस्टरले फिल्मको कथा प्रेम र वियोगमा केन्द्रित रहेको संकेत गर्छ ।
