काठमाडाैँ : प्रधानमन्त्री पुष्पकमल दाहाल प्रचण्ड आजदेखि हरेक दिन बिहान १० बजे सिंहदरबारस्थित कार्यालय पुग्ने भएका छन् ।
राजधानीबाहिर अर्थात अन्य कुनै कार्यक्रममा जानु नपरेको अवस्थामा उनी हरेक दिन बिहान १० बजे कार्यालय पुगेर नियमित कार्यमा लाग्ने प्रधानमन्त्रीको योजना रहेको छ । सोहीअनुरुप प्रचण्ड मंगलबार कार्यालय समयमा नै सिंहदरबार पुगेका छन् ।
त्यस्तै उनले कार्यालय पुगेर सचिव लगायतका कर्मचारीहरुलाई आफू अबदेखि निरन्तर अफिस समयमै कार्यालय आउने बताउँदै अन्य कर्मचारीलाई पनि समयमा कार्यालय आउन निर्देशन दिएका छन् ।
विभिन्न कार्यक्रमलाई सम्बोधन गर्दै सरकारका काम जनअपेक्षाअनुरुप हुन नसकेको आत्मसमीक्षा गरेका प्रचण्डले आफू नयाँ ढंगले अघि बढ्ने समेत बताएका थिए ।
