काठमाडौं । प्रधानमन्त्री समेत रहेका नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ गोरखा जाँदैछन्।
उनी आज (बुधबार) बिहान ११ बजे गोरखा जाने कार्यक्रम रहेको बारपाक सुलिकोटकी उपाध्यक्ष सनमाया गुरुङले जानकारी दिइन् ।
उनका अनुसार पार्टीले सञ्चालन गरिरहेको ‘जनतासँग माओवादी विशेष रूपान्तरण अभियान’ अन्तर्गत बारपाक सुलीकोट गाउँपालिका–८ को वडा बैठकमा सहभागी हुन उनी त्यहाँ जान लागेका हुन् ।
उक्त अभियान अन्तर्गत सातै प्रदेशका एक–एक वडामा पुग्ने कार्यक्रम अन्तर्गत प्रचण्ड गण्डकी प्रदेशको बारपाक सुलीकोट गाउँपालिका–८ को वडा बैठकमा सहभागी हुनेछन् ।
