काठमाडौँ । राष्ट्रिय स्वतन्त्र पार्टीका केन्द्रीय सदस्य गणेश कार्कीले प्रधानमन्त्री आफैँले सडकमा शक्ति देखाउनु लोकतन्त्रको मर्म हुन नसक्ने टिप्पणी गरेका छन् । कार्कीले एमालेले दरबारमार्गमा शुक्रवार गर्न लागेको जागरणसभा, ओलीको उपस्थिति र ट्राफिक व्यवस्थापनलाई लक्षित गर्दै सुरक्षा संयन्त्र र साइरनवाला गाडी प्रयोग नगरी कार्यक्रमस्थल पुग्न सुझाव पनि दिएका छन् ।
‘गति नै छोडे पछि सीमा राखेर के गति छोड्नु कमरेड ?’,कार्कीको प्रश्न छ । उनले नत्र प्रधानमन्त्रीले सडकमा शक्ति देखाउनु लोकतन्त्रको मर्म होइन भन्ने बुझ्नुपर्ने भन्दै शक्तिको पृथकीकरण र सन्तुलन चैँ लोकतन्त्र भएको बताएका छन् ।
‘सडकमा पनि म, सरकारमा पनि म, अदालतमा पनि म, अख्तियारमा पनि म, संसदमा पनि म, प्रहरी प्रशासनमा पनि म भन्ने कुरा लोकतन्त्र होइन’, कार्कीले लेखेका छन् ।
