नायिका नीति शाहले नयाँ फिल्म ‘मोहर’ साइन गरेकी छिन् । ओम प्रतिकको लेखन तथा निर्देशन रहने यो फिल्म उनले भर्खरै साइन गरेकी हुन् ।
फिल्म मेकर्स प्रा.लिको प्रस्तुतिमा तयार हुन लागेको यो फिल्मलाई चुम्बन जंग शाहीले निर्माण गर्न लागेका हुन् । निर्माणपक्षले फिल्मको बारेमा अरु केही पनि बताएको छैन ।
एउटा गीत बाँकी राखेर नीतिले हालै मात्र फिल्म ‘ज्वाइँ साब’को छायांकन सकाएकी छिन् । उनले यो फिल्मको छायांकन सकाएर फर्किए लगत्तै ‘मोहर’ साइन गरेकी हुन् । तर, यो चलचित्रमा उनको भूमिका बारे अहिले खुलाइएको छैन् ।
उनको पछिल्लो रिलिज फिल्म ‘खजुरे ब्रो’ हो यो फिल्म सुपर फ्लप भयो । तर, उनको हातमा भने फिल्मको कमी भएको छैन ।
नीतिको हातमा फिल्म ‘रुखान’ पनि छ । सविर श्रेष्ठको निर्देशनमा बन्ने यो फिल्मको छायांकन चाँडै सुरु गर्ने योजना निर्माणपक्षको छ ।
नीतिले निर्देशक दिवाकर भट्टराइको निर्देशनमा बन्न लागेको अनटाइटल प्रोजेक्ट पनि साइन गरेकी छिन् । यस्तै, नीतिले अर्को एक नाम चलेको ब्यानरको फिल्म पनि साइन गरेको वुझिएको छ । यसरी हेर्दा यो साल नीति निकै व्यस्त रहने देखिन्छ ।
