फिल्म ‘नम्बरी सुन’हेर्ने १२ जना दर्शकलाई सुन उपहार दिने घोषणा गरेको छ । ललितपुरमा आयोजित पत्रकार सम्मेलनमा प्रस्तुतकर्ता नारायण खातीले १२ जना दर्शकलाई सुन उपहार दिने घोषणा गरेको हो ।
यो फिल्म हेरेर सुन उपहार जित्नको लागि खल्ती एपबाट टिकट काट्ने ५ जना र त्यसभन्दा बाहिरबाट टिकट काट्ने ७ जनालाई सुनको मोतीवाला चन्द्रहार उपहार दिने निर्माणपक्षले जनाएको हो । उपहार लक्की ड्र मार्फत सार्वजनिक गरिनेछ ।
निर्देशक राजु गिरीले झण्डै ७० बर्ष अगाडि घर–घरमा पुगेर सुनको गहना बनाउनेको कथामा यो फिल्म निर्माण गरेको बताए । साथै, यो फिल्ममा प्रेम, कमेडी, भावना सबै मिसिएको उनको भनाई छ । नायिका नम्रता सापकोटाले प्रेम प्राप्त गर्न संघर्षरत एक युवतीको भूमिकामा आफू देखिएको बताइन् ।
सरोज खाती, सविन खाती र मनोज रिजाल निर्माता रहेको यो फिल्ममा शिवम् अधिकारीको पटकथा तथा संवाद, अर्जुन पोखरेल र सन्तोष श्रेष्ठको संगीत, रामजी लामिछानेको कोरियोग्राफी, समीर मियाँको भीएफएक्स, दिव्य सुवेदीको छायांकन, देव महर्जनको एक्सन, गौतमराज खड्काको सम्पादन छ ।
यो फिल्ममा गौरव पहारी, सरोज खनाल, वुद्दि तामाङ, राजाराम पौडेल, किरण नेपाली, राजेन्द्र खड्गी लगायतका कलाकारको अभिनय छ ।
