Friday, April 4, 2025
Homeमनोरन्जनदिवाकर भट्टराईको फिल्मबाट राजेश हमालको अभिनयमा कमब्याक

दिवाकर भट्टराईको फिल्मबाट राजेश हमालको अभिनयमा कमब्याक

महानायक राजेश हमालले निर्देशक दिवाकर भट्टराईको एक अनटाइटल चलचित्र मार्फत लामो समयपछि अभिनयमा कमब्याक गर्न लागेका छन् । उनी झन्डै ८ वर्षपछि नेपाली फिल्ममार्फत अभिनयमा फर्किन लागेका हुन् ।

आइतबार उनी यो फिल्मका लागि अनुबन्धित भएका हुन् । निर्माता तथा निर्देशक भट्टराई र महानायक हमालबीच लिखित सहमति भएको हो ।

हमालले सामाजिक सञ्जालमा तस्वीर राख्दै आफू दिवाकरको फिल्ममा अनुबन्धित भएको जानकारी गराउदै लेखेका छन्,‘लामो अन्तरालपछि दिवाकर भट्टराईले निर्देशन गर्ने फिल्ममा काम गर्दैछु ।’

आगामी भदौ महिनाबाट छायांकनको तयारी गरिएको फिल्मको नाम केही दिनमा घोषणा गर्ने निर्देशक भट्टराईले जनाए । निर्देशक दिवाकरले यो फिल्मको कथावस्तु मनपराएपछि हमाल आफ्नो फिल्ममा अभिनयका लागि तयार भएको बताए ।

पछिल्लो पटक फिल्म ‘सकुन्तला’मा अभिनय गरेपश्चात महानायक हमाल कुनै पनि चलचित्रमा देखिएका थिएनन् । बरु उनले म्युजिक भिडियोमा आफूलाई समय दिइरहेका थिए । एक्सन प्रधान रहने फिल्ममा हमालले झन्डै ८ वर्षपछि कमब्याक गर्ने भएका हुन् ।

सम्बन्धित लेखहरू
- Advertisment -spot_img

सर्वाधिक लोकप्रिय

हालका टिप्पणीहरू