फिल्म ‘नरसिंहाः अवतार’मा नायिका सनिसा भट्टराईको इन्ट्री भएको छ । बुधवार निर्माणपक्षले यो फिल्ममा उनलाई अनुबन्धित गरेको हो । केही दिन अगाडि यो फिल्मको लागि महानायक राजेश हमाल र नायिका नीति शाह फाइनल भइसकेका छन् ।
निर्देशक दिवाकर भट्टराईको निर्देशन रहने फिल्ममा नायिका सनिसा भट्टराईको यो फिल्ममा प्रवेश भएसङै अब उनले महानायक राजेश हमाल र नीति शाह सँग पर्दा सेयर गर्नेछिन्। एक्सन प्रधान फिल्म ‘नरसिंहाः अवतार’को स्क्रिप्टमा अहिले निर्देशक भट्टराईले काम गरिरहेका छन् ।
पोखरा लगायत आसपासका जिल्लामा छायांकन हुने यो फिल्म मार्फल महानायक हमालले ८ बर्षपछि अभिनयमा पुन: कमब्याक गर्दैछन् ।
आगामी भदौ महिनाबाट छायांकन सुरु हुने यो फिल्मका लागि अझै एक नायिका र एक नायकको खोजी भइरहेको निर्देशक भट्टराइले जनाए । क्रिएटिभ सिने आर्टको प्रस्तुति रहने यो फिल्ममा लगानी तीन करोडभन्दा माथि हुने बताइएको छ ।
