तुलसी घिमिरेको निर्देशनमा तयार हुन लागेको फिल्म ‘पहाड’को टाइटल भिडियो सार्वजनिक गरिएको छ । टाइटल भिडियोमा फिल्मको नाम समावेश छ ।
तर, जुन शैलीमा फिल्मको टाइटल भिडियो तयार पारिएको छ त्यो आकर्षक छ । तुलसी घिमिरेको लेखन रहेको यो फिल्ममा ओजस्वी केसीको लगानी रहनेछ । माघबाट छायांकनमा जान लागेको फिल्ममा प्रमोद प्रधानको डीओपी, रञ्जित गजमेरको संगीत छ ।
फिल्ममा मदनकृष्ण श्रेष्ठ, विपिन कार्की, सुनिल थापा, पञ्चमी घिमिरे लगायतका कलाकारहरुको अभिनय रहनेछ । फिल्ममा प्रोडक्सन डिजाइनरको रुपमा तुलसीकै जेठी छोरी भावनाले काम गर्दैछिन् ।
यो फिल्मले जनशक्ति विदेश पलायन हुँदा कसरी पहाड रितिन्छ भन्ने कथालाई प्रस्तुत गर्नेछ ।
