Saturday, March 15, 2025
spot_img
Homeगृहपृष्ठडार्क सर्कलवाट पीडित हुनुहुन्छ, उसो भए यो उपाय अपनाउनुहोस्

डार्क सर्कलवाट पीडित हुनुहुन्छ, उसो भए यो उपाय अपनाउनुहोस्

काठमाडौं, २५ साउन । डार्क सर्कल एक साझा समस्या हो, जुन आजकल केटा र केटी दुबैमा हुने गर्दछ । 

यसमा हाम्रो आँखाको मुनि कालो दाग बन्ने गर्छ, जसले अनुहारको सौन्दर्यमा नकारात्मक असर गर्छ । डार्क सर्कल हुनुका धेरै कारण हुन सक्छन्, जसमा शरीरमा पोषणको कमी, निद्राको कमी र अन्य खराब जीवनशैली समावेश छन्। उसो भए यस समस्याबाट कसरी छुटकारा पाउन सकिन्छ त ? जानौं ।

अाखामुनिको छालाको रङ कालो वा कालो भएपछि यो समस्या आउनुमा स्क्रिन टाइम, निद्रा नपुग्नु, कम्प्युटर र ल्यापटपमा लामो समयसम्म काम गर्नु, तनाव लिनु, र आहारमा पर्याप्त पोषण नपाउनु लगायतका कारण मानिन्छन् ।

तर, यी ७ टिप्सले कालो घेराबाट छुटकारा पाउन सकिन्छ हैं,

पर्याप्त निन्द्रा

कालो दागको मुख्य कारण निद्राको कमी हुन सक्छ। त्यसैले हरेक रात ७ देखि ८ घण्टा राम्रो सुत्ने प्रयास गर्नुहोस्। यसले छालाका कोशिकाहरूलाई मर्मत गर्छ र आँखा मुनि सुन्निने र कालो धब्बाहरूलाई निमिटयान्न पार्दछ ।

चिसो कम्प्रेस

डार्क सर्कलका लागि कोल्ड प्रेसिङ लाभदायक हुन्छ। यसले छालामा रक्तसञ्चार सुधार गर्छ र सूजन कम गर्छ। यसका लागि चिसो चम्चा, गुलाबजल वा काँक्रोको टुक्राले मसाज गर्न सक्नुहुन्छ। 

हाइड्रेसन

हाम्रो शरीरमा हाइड्रेसनको कमी भएमा यसले आँखाको मुनि कालो धब्बा पनि निम्त्याउँछ । पानीको कमीले छाला सुख्खा हुन सक्छ, जसका कारण डार्क सर्कल बढी देखिन्छ। तसर्थ, दिनभर पर्याप्त पानी पिउनुहोस् ताकि छाला हाइड्रेटेड रहन्छ।

सनस्क्रिन

आँखा मुनि कालो घेरा बन्नुको एउटा कारण सूर्यको किरण पनि हो, त्यसैले अनुहारमा दिनहुँ सनस्क्रिन प्रयोग गर्नुपर्छ । वास्तवमा, छाला विशेषज्ञहरू पनि भन्छन् कि सनस्क्रिन एक सौन्दर्य उत्पादन हो, जसले हाम्रो छालालाई जाडो वा गर्मी जुनसुकै मौसममा घामबाट बचाउँछ।

आइ क्रीम

जाडो मौसममा कतिपयको छाला बढी सुख्खा हुने गर्छ, यस्तो अवस्थामा आँखा मुनिको छालाको रंग कालो भएर पनि सुख्खा हुन थाल्छ । सुख्खा छालाको रंग पनि बिग्रन थाल्छ । यस्तो अवस्थामा छाला विशेषज्ञको सल्लाह लिएर राम्रो आइ क्रिम प्रयोग गर्न सकिन्छ ।

भिटामिन सी र ई युक्त आहार

हाम्रो शरीरको हरेक अंगलाई स्वस्थ राख्न हामीले राम्रो आहारको सेवन गर्नुपर्छ । आँखाको समस्या कम गर्न भिटामिन सी र ई भएको खानेकुरा खानुपर्छ । यसका लागि सुन्तला, अमरूद, टमाटर र एभोकाडो जस्ता खानेकुरा सेवन गर्नुपर्छ, जसले छालाको गुणस्तर सुधार गर्छ।

क्याफिन सेवन कम
वास्तवमा, धेरै क्याफिनयुक्त पेय पदार्थ पिउँदा निद्रा कम हुन्छ, जसका कारण हामी राम्ररी सुत्न सक्दैनौं। यस्तो अवस्थामा आँखा मुनिको रक्तनलीहरू खुम्चिन्छ, जसले गर्दा सुन्निने र कालो धब्बा हुन सक्छ। त्यसैले कफी वा चिया कम पिउनुहोस्।
 

सम्बन्धित लेखहरू
- Advertisment -spot_img

सर्वाधिक लोकप्रिय

हालका टिप्पणीहरू