काठमाडौँ । झापामा लागु औषधसहित एक महिला पक्राउ परेकी छन् । इलाका प्रहरी कार्यालय बुधबारेबाट खटिएको प्रहरी टोलीले बुद्धशान्ति गाउँपालिका ३ की २९ दुर्गा धिमाललाई पक्राउ गरेको हो ।
धिमालको साथबाट ४ केजी गाँजा बराबद भएको जिल्ला प्रहरी कार्यालय झापाले जनाएको छ । उनलाई इलाका प्रहरी कार्यालय धुलाबारीमा राखेर थप अनुसन्धान भैरहेको प्रहरीले जनाएको छ ।
साथै धिमालबाट २,३६० भारतीय रुपैयाँ, ३,०६,८७० नेपाली रुपैयाँ, १ थान तराजु, ८ वटा ढक, ६७ वटा माटोका चिलिम, १० पिस लाइटर, १० मिटर डोरी, ५० पिस प्याकेजिङ प्लाष्टिक, ३ थना चक्कु, १ थान कैची, २ थान अचानो, एउटा हथौडा र १ थान मोबाइल बरामद गरिएको प्रहरीले जनाएको छ ।
