फिल्म ‘छक्का पन्जा ५’को छायांकन सकिएको छ। यो फिल्मको छायांकन सुरु गरेको ५१ दिनमा सम्पूर्ण छायांकन सकिएको निर्माणपक्षले जनाएको हो ।
आमा सरस्वती मुभिज र आइएमईको प्रस्तुतिमा निर्माण गरिएको यो फिल्मको निर्माता, लेखक तथा कलाकार दीपकराज गिरीले काठमाडौंमा सम्पूर्ण छायांकन सकिएको जानकारी दिए । यो फिल्मको अब एउटा गीतको छायांकन हुन बाँकी छ ।
दीपाश्री निरौलाको निर्देशनमा तयार भएको यो फिल्मको काभ्रे, सिन्धुली, पोखरा र काठमाडौंमा छायांकन गरिएको छ । यो फिल्मको काम निकै राम्रो भएको दीपकको भनाई छ ।
सामाजिक कथालाई कमेडीको शैलीबाट निर्माण गरिएको यो फिल्मको कार्यकारी निर्मातामा कलाकार निर्मल शर्मा छन् । यसपटक निर्माणपक्षले फिल्मको छायांकनको क्रममा धेरै हल्ला गरेन ।
सामाजिक कथालाई कमेडीको शैलीबाट निर्माण गरिएको यो फिल्मको कार्यकारी निर्मातामा कलाकार निर्मल शर्मा छन् । फिल्मको अन्य कलाकारहरूको बारेमा पनि केही जानकारी दिइएको छैन ।
असोजको २४ गते फूलपातिबाट रिलिजमा आउने यो फिल्ममा दीपकराजको साथमा केदार घिमिरे, वर्षा सिवाकोटी मुख्य भूमिकामा छन् ।
