काठमाडौं । थानकोटमा ड्युटीका क्रममा चेकजाँच गरिरहेका प्रहरीमाथि हातपात भएको छ। चन्द्रागिरी नगरपालिका-३ थानकोट बसपार्कमा खटिएका प्रहरीमाथि हातपात गरेको अभियोगमा सर्लाहीको मलंगवा नगरपालिका-६ घर भई चन्द्रागिरी नगरपालिका-३ खरिबोट बस्ने २६ वर्षीय अनमोल राम आइतबार राति पक्राउ परेका छन्। उक्त स्थानमा प्रहरी वृत्त थानकोट र ट्राफिक प्रहरी प्रभाग थानकोटबाट खटिएको प्रहरीले जाँच गरिरहेको थियो।
त्यही क्रममा नागढुंगाबाट आउँदै गरेको बा. ५७ प ५९४६ नम्बरको स्कुटर चालक रामले प्रहरीमाथि हातपात गरेपछि उनलाई पक्राउ गरिएको हो। दुई पक्षबीच हात हालाहालको अवस्था हुँदा प्रहरीको एक थान हेण्ड सेट फुटेको छ। अहिले रामलाई थानकोट बृत्तमा राखिएको छ।
