काठमाडौँ । बैङ्किङ कसुर मुद्दामा चितवनबाट पक्राउ पुर्जी जारी भएका प्रतिवादीलाई प्रहरीले काठमाडौँबाट पक्राउ गरेको छ । पक्राउ पर्नेमा नागार्जुन नगरपालिका–८ बस्ने सुरेन्द्र सङ्गत छन् । उनलाई लैनचौरबाट पक्राउ गरिएको उपत्यका अपराध अनुसन्धान कार्यालयका एसपी अङ्गुर जिसीले बताए ।
कार्तिक ९ मा उनीबिरुद्ध चितवन जिल्ला अदालतबाट पक्राउ पुर्जी जारी भएको थियो । ५५ वर्षीय सङ्गतलाई थप अनुसन्धानका लागी जिल्ला प्रहरी कार्यालय चितवनमा पठाइएको एसपी जिसीले जानकारी दिए ।
