गत असारको २८ गतेबाट प्रदर्शनमा आएको फिल्म ‘घर ज्वाँई’ले ५१ दिन मनाएको छ। शनिबार उप–सभामुख इन्दिरा रानाको प्रमुख आतिथ्यमा निर्माण टिमले यो फिल्मले ५१ दिन मनाएको हो ।
निर्देशक अनिल बुढामगरको लेखन तथा निर्देशनमा तयार भएको यो फिल्मको ५१ दिनको सेलिब्रेशन कार्यक्रममा टिमले केक काट्दै यो चलचित्रको टिमसँग जोडिएका प्राविधिक, कलाकारहरूलाई मायाको चिनो वितरण गरिएको थियो ।
फिल्मले बक्स अफिसमा करिब ६ करोडको ग्रस कलेक्शन गरेको वुझिएको छ । २ करोडको बजेटमा तयार भएको फिल्मबाट निर्माताले १ करोड बढी मुनाफा कमाएको वुझिएको छ ।
नेपालबाट शेयर, डिजिटल राइट्स र ओभरसिज राइट्सबाट फिल्मका निर्माताले १ करोड बढी मुनाफा कमाएका हुन् । यो फिल्ममा दयाहाङ राई, मिरुना मगर, बुद्धि तामाङ, शिशिर वाङ्देल लगायतका कलाकारहरुको अभिनय छ ।
