मोडल कुसुम शर्मा फिल्म ‘माइली’मा अनुबन्धित भएकी छिन् । उनले भर्खरै मात्र बाबु बलामिको यो फिल्ममा साइन गरेकी छिन् । तर, यो फिल्ममा उनको भूमिका के हो भन्ने खुलाइेको भने छैन् ।
निर्देशक बाबु बलामीले निर्देशन गर्न लागेको यो चलचित्रको लागि उनलाई निर्देशक बलामीले अनुबन्धित गराएका हुन् । यो चलचित्रका लागि यसअघि प्रियंका कार्की, करिश्मा मानन्धर र गायिका कमला घिमिरे अनुबन्धित भैसकेका छन् ।
सत्य घटनामा आधारित रहने यो चलचित्रमा महिलाको पीडालाई प्रस्तुत गर्नेछ । ‘दलित महिलाको श्रीमान नभएपछि समाजले ऊमाथि कस्तो दृष्टि लगाउछ र स–साना नाबलक छोरी हुर्काउन कति कठिन हुन्छ भन्ने यो चलचित्रको मेन उदेश्य हुनेछ ।
रुना इन्टरटेन्ट्मेन्टको ब्यानरमा निर्माण हुने यो चलचित्रको असारको अन्तिमबाट छायांकन गरिने छ । यो चलचित्र मकवानपुरको वीरखर्ग, कुलेखानी, काठमाडौं र दुबईमा खिचिनेछ । चलचित्रमा शंकर अधिकारी ‘घायल’को गीत र पटकथा, सम्बाद तथा राजेन्द्र बजगाइको संगीत रहनेछ ।
