काठमाडौं आउँदै गरेको माइक्रोमाथि पहिरो खस्यो

काठमाडौं । धादिङबाट काठमाडौं आउँदै गरेको बागमती प्रदेश ००६ ख ६५१२ नम्बरको माइक्रो पहिरोमा परेको छ ।

पृथ्वीराजमार्ग अन्तर्गतको धादिङको बांगेमोडमा माथिबाट पहिरोसँगै खसेको रुखले माइक्रो च्यापिएको हो ।  गुडिरहेको माइक्रोमा एक्कासि पहिरो खसेको माइक्रोका चालकले बताएका छन् । माइक्रोमा १५ जना यात्रु रहेका थिए । केही यात्रु घाइते छन् ।

सबै घाइतेको अवस्था सामान्य नै रहेको छ । प्रहरीले पहिरोबाट माइक्रो निकालिसकेको छ भने दुईतर्फी नै अवरुद्ध रहेको पृथ्वीराजमार्ग केही बेरपछि खुल्ने जनाइएको छ ।