काठमाडौं— काठमाडौंबाट पोखरा जाँदै गरेको गाडी नुवाकोटमा दुर्घटनामा परेको छ । सोमबार दिउँसो नुवाकोटको शिवपुरी गाउँपालिका-७ चापाबोटस्थित सडकबाट अन्दाजी ३० मिटर तल खसेको जिल्ला प्रहरी कार्यालयका डीएसपी तिलक भारतीले जानकारी दिए।
ग १ ख ४५३५ नम्बरको गाडी खसेर रूखमा अडकिएको हो । दुर्घटनामा घाइते भएका १२ जनालाई काठमाडौंको ग्रिनसिटी अस्पतालमा ल्याइएको छ।
यो सडकखण्ड काठमाडौंबाट नुवाकोटको त्रिशूली हुँदै गल्छी पुगेर पृथ्वी राजमार्गमा जोडिन्छ। झ्याप्ले खोला पहिरोका कारण नौबिसे-काठमाडौं सडक जाम हुँदा सवारीसाधनहरू वैकल्पिक बाटो (काठमाडौं-नुवाकोट-धादिङ) भएर जाने गरेका छन्।
