काठमाडौँको ज्ञानेश्वरमा लाखौँको चोरी

काठमाडौँ । काठमाडौँ महानगरपालिका-१ ज्ञानेश्वरमा सोमबार दिउँसो चोरी भएको छ । भैरव मार्ग डेरा गरी बस्ने गुल्मी रेसुङ्गा नगरपालिका-१० घर भएका ४२ वर्षीय राजु नेपालीको कोठामा चोरी भएको हो ।

ढोकाको ताला फोडेर नेपालीको कोठाबाट सुन तथा चाँदीका विभिन्न गरगहना तथा नगद समेत चोरी गरी करिब ११ लाख ३६ हजार रुपैयाँ बराबरको धनमाल चोरी भएको प्रहरीले जानकारी दिएको छ ।

प्रहरीले चोरीमा संलग्न हाल फरार व्यक्तिको खोजी गर्नुको साथै यस सम्बन्धमा आवश्यक अनुसन्धान गरिरहेको छ ।