भुवन केसीले नयाँ चलचित्र ‘करोडपति’ निर्देशन गर्ने भएका छ्न् । यो चलचित्र भुवनको होम प्रोडक्सन बाटै निर्माण हुनेछ । चलचित्रमा उनका छोरा अनमोल केसीले काम गर्ने फाइनल भएको छ भने अन्य कलाकार फाइनल हुन बाँकी रहेको उनले बताए ।
भुवनकै होम प्रोडक्सन बाट दशकअघि ‘करोडपति’ निर्माण भएको थियो । यो चलचित्रले बक्स अफिसमा सुपरहिटको व्यापार पनि गर्यो । अब, सोही नाम ‘करोडपति’ सापटी लिदै भुवनले निर्देशन गर्न लागेका हुन् ।
अहिले यो चलचित्रको स्क्रिप्ट लेखनको काम हुँदैछ । नायक अनमोल केसीले चलचित्र ‘जेरीः अन टप’को छायांकन सकाए लगत्तै यो चलचित्रको छायांकन गर्ने भुवनको तयारी छ । यो चलचित्रको नाम उही राखिएपनी कथा फरक रहने भुवनले बताए ।
भुवनले यसअगाडि ‘एन्टी हिरो, पारस, माइतीघर’ लगायतका चलचित्र बनाउने बताए । तर, भुवनले भनेका यी कुनै पनि चलचित्र बन् सकेनन् । भुवनले ‘क्याप्टेन’ निर्माण गरेपछि नयाँ चलचित्र होम प्रोडक्सनमा बनाएका थिएनन् ।
