एयर होस्टेजलाई दुर्व्यवहार गरेको आरोपमा श्री एयरलाइन्सका यात्रु पक्राउ

काठमाडौँ । श्री एयरलाइन्सका एयर होस्टेज लाई दुर्व्यवहार गरेको आरोपमा एक जना यात्रुलाई प्रहरीले पक्राउ गरेको छ । 

कैलालीको गोदावरी नगरपालिका–१ घर भएका शिवराज ओझालाई  प्रहरीले पक्राउ गरेको छ । मङ्गलवार काठमाडौँबाट धनगढी जाने क्रममा उनले सुरुमा एयरहोस्टेज र विवाद बढेपछि विमानका अरू कर्मचारीलाई पनि दुर्व्यवहार गरेको आरोप छ ।

काठमाडौँबाट उडेको जहाज धनगढीमा अवतरण भएपछि शिवराज ओझालाई पक्राउ गरिएको कैलालीका एसपी पदम विष्टले  बताए ।