चिलीको जंगलमा आगलागी हुँदा कम्तीमा ४६ जनाको मृत्यु भएको छ।
त्यहाँका राष्ट्रपति गैब्रिएल बोरिकले बताएअनुसार मध्य चिलीको वालपराइसो क्षेत्रको जंगलमा भएको आगलागीमा उनीहरुको मृत्यु भएको छ। मृतकको संख्या अझै बढ्न सक्ने आशंका छ।
समुद्र किनारमा बसेको सहर विना डेल मार आसपासका मानिस सबैभन्दा बढी प्रभावित भएका छन्। उद्धार तथा राहतकर्मीहरु आगलागी प्रभावित क्षेत्रमा खटिएका छन्। विना डेल मार सहरका मेयरका अनुसार त्यहाँका २ सयभन्दा बढी मानिस बेपत्ता छन्।
देशभर ४३० वर्ग किलोमिटरभन्दा बढी आगलागीबाट प्रभावित भएको छ। अत्यधिक गर्मीमा तीव्र हावा चल्दा आगो फैलिएको बताइएको छ।
