फिल्म ‘आउटलः दफा २१९’को टिजर सार्वजनिक गरिएको छ । यो फिल्मको टिजरमा अभिनेता सुशील श्रेष्ठकोको एङ्ग्री एक्सन अवतार प्रस्तुत गरिएको छ।
विक्की महर्जनको लेखन तथा निर्देशनमा तयार भएको यो फिल्ममा अमित अग्रहरी निर्माताको रुपमा छन् । विनोद कठायत कार्यकारी निर्माता रहेको यो फिल्ममा विकास चौधरी सह–निर्माताको रुपमा छन् ।
आगामी असोज ३ गतेबाट देशब्यापी प्रदर्शन गरिने यो फिल्मको सार्वजनिक टिजर गज्जबको छ । उच्च मेकिङका साथ तयार पारीएको यो चलचित्रको टिजरमा सुशीलको इन्ट्री पनि गज्जबकै छ । अन्तिममा उनको एङ्ग्री अवतारले दर्शकको मन जित्ने पक्का देखिन्छ ।
संविधान दिवसको दिन रिलिज हुने यो फिल्मले उठाएको कथावस्तु दर्शकका लागि पनि विशेष हुने यसको निर्माणपक्षको दाबी छ । फिल्ममा नविन गुरुङको डीओपी, चुल्ठे काजीको एक्सन निर्देशन, साहिल खानको सम्पादन रहेको छ ।
पोस्टर रिलिज गरिएदेखी चर्चामा रहेको यो फिल्ममा अभिनेता सुशील श्रेष्ठ, नरेश पौडेल, शिक्षा संग्रौला, सुमन भण्डारी, हेम गुरुङ, सोनी लागुन, विशाल पहारी लगायतका कलाकारहरुको अभिनय छ ।
