कैलाली, धनगढी उपमहानगरपालिका-८ क्याम्पस चोकबाट अवैध लागूऔषध ब्राउनसुगर जस्तो देखिने पदार्थ ९ सय ९० मिलिग्राम सहित सोही उपमहानगरपालिका-३ बस्ने २२ वर्षीय बिशेष शर्मा समेत ४ जनालाई बिहीबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
इलाम, माई नगरपालिका-३ गोल्टारस्थित सडकबाट अवैध लागूऔषध खैरो हेरोइन जस्तो देखिने पदार्थ १ ग्राम ८ सय २० मिलिग्राम सहित सोही नगरपालिका-१ सधुवा बस्ने ३५ वर्षीय तिर्थ गिरीलाई बिहीबार दिउँसो प्रहरीले प्रकाउ गरेको छ । प्रहरी चौकी दानाबारीबाट खटिएको प्रहरीले उनलाई उक्त पदार्थ सहित पक्राउ गरेको हो ।
झापा, मेचिनगर नगरपालिका-६ पुरानो मेचीपुलबाट अवैध लागूऔषध खैरो हेरोइन जस्तो देखिने पदार्थ सहित ४ जनालाई बिहीबार बेलुकी प्रहरीले पक्राउ गरेको छ । पक्राउ पर्नेहरूमा पाँचथर फिदिम नगरपालिका-१० घर भई मोरङ बेलबारी नगरपालिका-४ लामपाने टोल बस्ने २८ वर्षीय बिरेन लोवा, भारत वेष्ट बंगाल जलपायुगुडी बादरहाट बस्ने २२ वर्षीय मनोज शर्मा, झापा दमक नगरपालिका-९ चन्द्रमाचोक बस्ने २४ वर्षीय तिलक मग्राती र सप्तरी सुरूङ्गा नगरपालिका-१ सिसुवारी बस्ने २२ वर्षीय एलन बिष्ट रहेका छन् । लागूऔषध नियन्त्रण ब्यूरो कार्यालय काँकरभिट्टाबाट खटिएको प्रहरीले बिरेनलाई १० ग्राम, मनोजलाई १ ग्राम, तिलकलाई १ ग्राम र एलनलाई ६ ग्राम उक्त पदार्थ सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
