अभिनेता अनमोल केसी अभिनित फिल्म ‘फर्की फर्की’ गत जेठको १० गते प्रदर्शनमा आयो । यो फिल्मको लागि महंगो पारिश्रमिक लिएका नायक अनमोल केसीले नेपाल सरकारलाई कर तिरेका छन् ।
फिल्मको लागि ५० लाख रकम लिएका उनले नेपाल सरकारलाई मोटो रकम तिरेको आँकडा सार्वजनिक गरेका छन् । निर्माता रोहित अधिकारीले सार्वजनिक गरेको आँकडामा अनमोलले ५० लाख लिएको उल्लेख छ् ।
अनमोलले ५० लाख पारिश्रमिक लिदा साढे ७ लाख कर नेपाल सरकारलाई तिरेका छन् । अहिलेसम्म कुनै निर्माता र कलाकारले मैले पारिश्रमिक लिए अनुसारको कर तिरेको छु भनेर सार्वजनिक गर्ने हिम्मत गरेका थिएनन्। तर, अनमोलले भने आफू राज्यप्रति वफदार रहेको पुष्टि गर्दै १५ प्रतिशत कर सरकारलाई तिरेका छन् । करबापत उनले ७ लाख ५० हजार रुपैयाँ तिरेको खुलाएका छन् ।
नेपालसँगै विश्व बजारमा राम्रो कमाई गरेको अनमोलको यो चलचित्रले उनको हाइप माथि पुर्याइदिएको छ।
